Oordenking

Wat sê die Bybel omtrent egskeiding en hertrouery?

2009-08-25T22:03:00.002+02:00

Heel eerstens is dit belangrik om die Bybelse woorde in Maleági 2:16a in gedagte te hou, ongeag watter standpunt ‘n mens inneem omtrent die hele egskeidingsaangeleentheid,: “Want ek haat egskeiding, sê die Here, die God van Israel.” Volgens die Bybel het God dit so beplan dat die huwelik ‘n lewenslange verbintenis sal wees. “Sodat hulle nie meer twee is nie, maar een vlees. Wat God dan saamgevoeg het, mag geen mens skei nie.” (Mattheüs 19:6). God besef nietemin, dat aangesien ‘n huwelik twee sondige wesens insluit, egskeiding wel mag voorkom. In die Ou Testament het Hy sekere wette neergelê ten einde die regte van geskeides en in die besonder die vrou te beskerm (Deuteronómium 24:1-4). Jesus wys daarop dat hierdie wette uitgegee is vanweë die hardheid van mense se harte, nie vanweë God se begeerte nie (Mattheüs 19:8).

Die groot twispunt aangaande die feit of die Bybel egskeiding en hertrou goedkeur of nie, hang primêr af van Jesus se woorde in Mattheüs 5:32 asook in Mattheüs 19:9. Die frase “behalwe vir huweliksontrou” is die enigste voorwaarde in die Skrif wat moontlik God se toestemming vir egskeiding en hertrou kan gee. Baie interpreteerders verstaan hierdie “uitsonderingsklousule” as verwysende na huweliksontrou gedurende die “verlowingsperiode”. Volgens Joodse gebruik, is man en vrou as getroud beskou, selfs al was hulle bloot nog net verloof aan mekaar d.w.s. “het hulle bloot nog net trou aan mekaar belowe.” Onsedelikheid gedurende die “verlowingsperiode” was as die enigste geldelike rede vir ‘n egskeiding beskou.

Desnieteenstaande is die Griekse woord wat as “huweliksontrou” vertaal kan word, ‘n woord wat op enige vorm van seksuele immoraliteit kan dui. Dit kan dui op ontug, prostitusie, owerspel, ens. Wat Jesus heel waarskynlik aan ons probeer oordra is dat egskeiding toelaatbaar is, indien seksuele onsedelikheid plaasgevind het. Seksuele verhoudings is só ‘n integrale deel van die huweliksband dat “die twee een vlees sal wees” (Genesis 2:24; Mattheüs 19:5; Efesiërs 5:31). ‘n Verbreking van daardie band deur enige seksuele verhoudings buite die huwelik mag dalk ‘n toelaatbare rede vir egskeiding wees. Indien dit wel die geval is, spreek Jesus ook die kwessie van hertrou in hierdie gedeelte aan. Die frase “en met ‘n ander een trou” (Mattheüs 19:9) dui aan dat egskeiding en hertrou, wel toelaatbaar is binne die uitsonderingsklousule, op watter wyse hierdie “uitsondering” dan ook al geïnterpreteer mag word. Dit is belangrik om op te let dat slegs die onskuldige party toegelaat word om te hertrou. Alhoewel dit nie in die teks weergegee word nie, blyk dit dat die vergunning vir hertrou na ‘n egskeiding dui op God se genade ten opsigte van die een teenoor wie gesondig is en nie teenoor die een wat die daad van seksuele onsedelikheid gepleeg het nie. Daar mag wel gevalle wees waar die “skuldige party” weer toegelaat word om te hertrou – maar geen sodanige konsep word in die teks aangetref nie.

Sommige mense interpreteer 1 Korinthiërs 7:15 as ‘n volgende “uitsondering” waarvolgens hertrou wel toegelaat word indien die ongelowige huweliksmaat van ‘n gelowige skei. Hierdie konteks maak egter geensins sprake van hertrou nie, maar sê slegs dat ‘n gelowige nie verplig is om met die huwelik aan te gaan indien die ongelowige huweliksmaat wil skei nie. Dan is daar ook diegene wat daarop aanspraak maak dat misbruik (hetsy teenoor ‘n lewensmaat of ‘n kind) wel geldige redes vir ‘n egskeiding is, al word laasgenoemde nie as sodanig in die Bybel gelys nie. Terwyl dit dalk wel die geval mag wees, is dit egter nooit wys om sommer meer net aan te neem dat dit in die Woord van God staan nie.

Wanneer ons somtyds oor die uitsonderingsklousule debatteer, verloor ons totaal uit die oog dat wat ook al “huweliksontrou” beteken, dit steeds bloot net ‘n vergunning vir egskeiding is, nie ‘n vereiste vir egskeiding nie. Selfs wanneer owerspel gepleeg is, kan ‘n paartjie deur God se genade leer om te vergewe en weer begin om aan hulle huwelik te herbou. God het ons tog soveel meer dinge vergewe. Daarom moet ons des te meer Sy voorbeeld volg en selfs die sonde van owerspel vergewe (Efesiërs 4:32). Nietemin is ‘n huweliksmaat in soveel gevalle onboetvaardig en doen nie afstand van seksuele onsedelikheid nie. In sulke gevalle kan Mattheüs 19:9 toegepas word. Baie van ons neig ook om te gou weer te hertrou na ‘n egskeiding, waar God ons eerder aanmoedig om enkel te bly. Somtyds roep God ‘n persoon om enkel te bly sodat hulle aandag nie verdeeld mag wees nie (1 Korinthiërs 7:32-35). Hertrou na ‘n huwelik mag wel ‘n opsie wees in sommige gevalle, maar dit beteken egter nie dat dit die enigste opsie is nie.

Dit is onrusbarend om te verneem dat die egskeidingstempo onder belydende Christene omtrent net so hoog is as onder diegene in die ongelowige wêreld. Die Bybel maak dit baie duidelik dat God egskeiding haat (Maleági 2:16) en dat versoening en vergifnis die tekens van ‘n gelowige se lewe moet wees (Lukas 11:4; Efesiërs 4:32). Nogtans erken God egter dat egskeidings wel sal plaasvind, selfs onder Sy kinders. Gelowiges wat hetsy geskei is of hertrou het, moet egter nooit voel dat hulle enigsins minder geliefd by God is nie, selfs al is hulle nie gedek onder die moontlike uitsonderingsklousule van Mattheüs 19:9 nie. God gebruik dikwels die sondige ongehoorsaamheid van Christene om dinge binne Sy groter plan te vermag.

Die evangelie is betroubaar

2009-08-19T14:43:00.003+02:00

Galasiërs 1:1-24

Daar word beweer dat Paulus al te voorbarig was. Deesdae verwys talle mense smalend na die apostel as die een wat te veel van homself gedink het. Sekere uitsprake wat Paulus in Galasiërs maak, gee aanleiding tot hierdie kritiek. Enkele voorbeelde is: “Dat ek ‘n apostel is, dank ek nie aan mense nie...”; “...as iemand aan julle ‘n evangelie verkondig wat in stryd is met die evangelie wat julle ontvang het - die vloek van God sal hom tref!”; “...in die Joodse leer het ek onder my volksgenote bo baie van my leeftyd uitgestyg”; “...hulle het God oor my verheerlik”; “Ek het my dan ook steeds vir hierdie liefdesdiens beywer”; en “Ek smeek julle, broers: Word soos ek”. Smalende verwysings word ook oor ander geskrifte van Paulus gemaak.

Paulus moes destyds in die gemeente van Galasië onder soortgelyke kritiek deurloop. Kwaadstokers het die gemeente teen Paulus en sy boodskap opgestook. Dit is juis vanweë hierdie kritiek dat Paulus die brief geskryf het. Teen hierdie agtergrond moet ons Galasiërs 1:11-12 verstaan: “Dit moet julle goed besef, broers: die evangelie wat ek verkondig, is nie deur ‘n mens uitgedink nie ...”.

Wie die Bybel opreg lees, besef dat die evangelie nie deur mense uitgedink is nie. Die evangelie is nie ‘n stuk eerbiedwaardige tradisie wat van geslag tot geslag oorgedra is nie. Nog minder is dit ‘n produk van menslike ervaring en wysheid wat in die vorm van leerstellings sy neerslag gekry het. ‘n Opregte gelowige besef ook dat sy eie natuur, kennis en insig, deur die sonde aangetas is, en dat hy dit daarom hoegenaamd nie as meetinstrument bo die Bybel kan stel nie. Aanvaar jy dat God in die Bybel aan die woord is? Luister jy as God praat – selfs al gaan dit teen jou eie grein in?. Voel jy hartseer en diep ontsteld as mense die Woord nie wil aanvaar nie?. God wil sy onbegryplike genade deur sy Woord en Gees ook jou deel maak.

Prof FP Viljoen (Potchefstroom)

Weer ‘n sondeval! Genesis 9:1-29

2009-02-16T16:58:00.003+02:00

Na die sondvloed staan daar op die skoongewaste aarde (soos met die sondvloed) wéér ‘n boom in die middelpunt en weer lei die boom tot sonde. Noag het die boom geplant - ‘n wingerdstok. Hy het wyn gemaak en daarvan gedrink. Hy het egter te veel gedrink en dronk geword. Sy handewerk het hom oorheers.

Baas het klaas geword. Skaamteloos lê hy kaal in sy tent om sy roes af te slaap. Só sien sy seun Gam hom en, sonder respek vir sy, pa vertel hy dit vir sy broers. Sem en Jafet neem ‘n kledingstuk, gaan agteruit by die tent in en maak hulle pa toe sonder om na hom te kyk.

Toe Noag uit sy roes wakker word, het hy gehoor wat sy seuns gedoen het. Die Here gebruik hom as profeet wat oordeel en genade oor sy seuns aankondig. Gam het sy pa gespot omdat hy slaaf van wyn geword het. Nou sal Gam se seun, Kanaän, ‘n slaaf van sy broers word (Jos 9). Daarteenoor word Sem geseën en Jafet deel daarin. Sem sou in ‘n besondere verhouding met God leef. In die stryd tussen God en Satan sal Een uit Sem se nageslag die oorwinning behaal. Dit is Christus wat aan die kruis oorwin het.

Ds AP Krüger (Postmasburg)

‘n Lieflike geur

2009-02-04T10:34:00.001+02:00

Genesis 7:1-8:22 (OAV)
Genesis 8:16-22

Vir God is dankbare gehoorsaamheid ‘n lieflike geur. Noag het geglo, daarom was hy gehoorsaam aan die opdrag van die Here. Hy het die ark gebou, die rein diere laat ingaan en daarna met sy gesin ingeklim. Die Here het self die ark toegesluit en die sluise van die hemel oopgetrek. Alles sterf in die watervloed. So was God die slegte reuk van sonde weg. Eindelik breek die dag aan waarop Hy die ark weer oopsluit.

Noag het eerste “…vir die Here ‘n altaar gebou en van al die rein diere en al die rein voëls geneem en brandoffers op die altaar gebring” (Gen 8:20 OAV). Wat ‘n kosbare offer! Daar was net sewe paar van elke soort rein dier op aarde oor. Dit keer Noag nie om sy dankbaarheid vir die groot verlossing te bewys nie. Die dankbare gehoorsaamheid was vir God ‘n aangename geur. God weet egter dat die aangename geur nie vir altyd sal voortduur nie, want die mens bedink net slegte dinge. Tog sou God die slegte reuk van sonde nie weer op dieselfde manier uitwis nie. Dan sou daar kort-kort ‘n sondvloed moes wees. Nee, God werk in die toekoms anders.

Hy gee sy eie Seun om die slegte reuk van sonde vir altyd uit te wis. Jesus doen dit deur met sy bloed die sondeskuld te betaal. Die Heilige Gees gee aan ons nuwe harte, sodat ons dankbare gehoorsaamheid soos ‘n lieflike geur na God kan opstyg. Laat jou gehoorsaamheid en dankbaarheid vandag ‘n lieflike reukoffer vir die Here wees.

Ds AP Krüger (Postmasburg)

Hoekom genees God nie geamputeerdes nie?

2009-02-02T14:52:00.003+02:00

Sommige mense gebruik hierdie vraag in ‘n poging om die bestaan van God verkeerde te bewys. Daar is tot self ‘n antie-Christelike webblad wat net gewy word aan die argument “Why won’t God heal amputees?” http://www.whywontgodhealamputees.com/. "As God so almagtig is en as Jesus belowe het om enige iets te doen wat ons vra (of so dink ons gaan dit), hoekom genees God dan nie geamputeerde mense nie. God genees kankerlyers, diabetes ens. maar hy laat nooit arme en bene terug groei nie. Die feit dat ‘n geamputeerde so bly is bewys dat God nie bestaan nie en dat gebed doelloos is, dat godsdiens ‘n mite is."Bogenoemde argument word gewoonlik aangebied in ‘n deurdagte, wel geredeneerde wyse met teksgedeelstes om dit meer geloofbaar te maak. Maar, dit is ‘n argument wat gebasseer is op ‘n verkeerde siening van God en is wanvoorstelling van Sy Woord. Die redenasie bevat ten minste 7 vals veronderstellings:

Veronderstelling 1: God het nog nooit ‘n geamputeerde genees nie. Wie is ons om te sê dat God nog nooit in die geskiedenis van die wêreld ‘n ledemaat van ‘n geamputeerde persoon laat terug groei het nie? Dit is ‘n gevolgtrekking wat nie water dra nie. Ons het historiese rekord dat Jesus mense genees het, self melaatses wat sekerlik stukkies van hulle ledemate verloor het. In elke geval is die melaatse volkome genees. (Mark 1:40-42; Luk 17:12-14). En so is ook Malchus se oor wat weer gesond gemaak is nadat dit afgekap is. (Luk 22:50-51). Om nie eers te praat van die dooies wat Jesus opgewek het nie. (Mat 11:5; Joh 11). Al hierdie gevalle is onteenseglike bewys dat NIKS vir God onmoontlik is nie. As God dooies kan opwek kan Hy beslis geamputeerde mense genees.

Lees gerus hier verder.

Liewe Vrou

2008-11-04T13:41:00.002+02:00

Ek het jou lief net soos jy is.

Kom na my toe en vertel my van al jou vrouwees-stoei,

jou besigwees en al die eise wat jou lewe soms onmoontlik maak.

Praat maar met My.

Ek luister en verstaan.

Jy is vir My kosbaar.

Daarom wil Ek jou graag vertel hoe lyk die beste weivelde vir jou.

(Nie dit wat die wêreld van jou verwag nie.)

Ek sal jou help swem in jou stroomversnellende lewe..

jou selfs lei na vredevolle waters.

Want Ek weet hoe moeg jy is.

Daarom sal Ek elke dag vir jou 'n

nuwe stuk krag gee vir die dag.

Leef maar net 24uur op 'n slag.

Môre sal Ek jou weer versterk.

Boonop sal Ek jou help om die regte paaie te loop.

Jy hoef nie jou lewe alleen te kompas nie.

Ek is immers die ewige Navigeerder.

Daarom sal Ek jou ook in die donker van jou lewe lei.

Wanneer jy bang en onseker jou weg moet vind of die

lewe vir jou nag voel, is

Ek by jou, langs jou en voor jou.

Gee My jou hand dat Ek jou veilig kan lei.

Ek nooi jou ook om jou lewe met My te deel.

Want dan sal jy niks kortkom nie, omdat

Ek in al jou behoeftes sal voorsien.

Inteendeel, inmy huis sal

Ek jou oorlaai met onbeperkte goedheid en liefde.

Kom na My toe, liewe vrou.

Net soos jy is.

Ek wil graag jou Herder wees.

Hemelsliefde en seën.

Lukas 14:26 Hoekom moet ek haat?

2008-09-16T18:36:00.003+02:00

Iemand het vandag kom vra: Hoekom moet ek my ouers haat soos geskryf in Lukas 14:26? Ek het 'n bietjie ondersoek ingestel en op die pragtige verduideliking afgekom.

Die Here Jesus het gesê “As jy nie jou eie lewe haat, as jy nie jou vader en moeder haat en jou man en vrou haat, jou kinders haat, as jy nie afstand doen van wat jy besit nie, kan jy nie My dissipel wees nie” (Lukas 14:26). Hierdie haat beteken nie’n emosionele haat nie. Die oorspronklike woord beteken in die Hebreeus: in die tweede plek stel. Die Here Jesus kyk vir hierdie skare wat moeg is en Hy sê: Mens, jy is so moeg. Weet jy hoekom is jy so moeg? Jou aandag is te verdeel. Jy is met te veel goed besig. Jou fokus is nie reg nie. Jy moet ‘n besluit neem dat Jesus alleen die eerste plek in jou lewe opneem en al die ander goed neem tweede plek in. As jy dit nie doen nie is dit verby met jou lewe. Jy is besig om jouself uit te brand. Dis die keuse wat jy moet maak.

Skud dit af!

2008-09-12T12:22:00.002+02:00

'n Kragtige eenvoudige boodskap wat ek per epos ontvang het en graag met julle deel.

'n Boer se ou donkie het eendag in die put ingeval. Die ou dier het ure lank gebalk terwyl die boer probeer het om 'n plan te maak. Uiteindelik besluit hy toe dat die ou dier reeds te oud is, en die put het in elk geval nie meer water in nie en moet dus maar toegegooi word. Toe nooi hy al sy bure om hom te help om die put op te vul.

Elkeen het 'n graaf gebring en begin om grond in te gooi. Die ou dier besef wat aangaan, en protesteer luidkeels. Maar, tot almal se verrassing, word dit skielik stil.

'n Rukkie later loer die boer oor die kant van die put en sien wat gebeur. Die donkie skud elke graafvol grond wat op sy rug val, af en trap dit vas. Terwyl die span manne die grond ingooi om die put op te vul, skud hy die grond af en klim elke keer 'n tree hoër.

Uiteindelik tree die donkie oor die kant van die put en draf weg!

As die lewe jou probeer onderkry deur alles wat op jou val, moenie moedeloos word nie. Skud dit af en gebruik dit vir 'n trappie boontoe. Moet net nie opgee nie. Skud dit af en trap daarop!

Onthou die vyf eenvoudige geheime van geluk:

1. Maak jou hart skoon van haat.

2. Werp al jou bekommernis op Hom, want Hy sorg vir jou.

3. Leef eenvoudig.

4. Gee meer.

5. Verwag minder.

‘n Ligpuntjie in die donker

2008-09-03T18:02:00.002+02:00

Gen 6:8 Maar Noag het genade gevind in die oë van die HERE.

Kanker is ‘n gevreesde siekte. Die boodskap: “Jy het kanker”, is soos ‘n doodsvonnis. Dit maak jou lewe donker. So is sonde. Dit bring net donker. Toe die Here in Gen 1:31 na sy skepping gekyk het, het Hy gesien dat alles “baie goed” was. Nou lyk alles egter anders. Sonde het oor die aarde versprei. Mense het nie meer naby God en in gehoorsaamheid aan sy wil gelewe nie. Die “dogters van die mense” (ongelowiges) was vir die “seuns van God” (gelowiges) baie mooi en hulle het met mekaar getrou. So is die lewe van gelowiges deur die donker van sonde bedreig.

Daarom het dit “die Here berou dat Hy die mens op die aarde gemaak het, en daar was smart in sy hart”. Hy was nie spyt dat Hy die mens gemaak het nie. Hy was diep teleurgestel en hartseer omdat die mense Hom verwerp het. Daarom besluit Hy om die aarde skoon te vee soos ‘n mens ‘n bord skoon vee wanneer jy klaar geëet het.

In hierdie donker was daar een ligpuntjie - Noag. Hy het “genade gevind in die oë van die Here”. Noag was ‘n “regverdige en opregte man” wat “met God gewandel” het. Omdat hy geglo het, het hy gedoen wat die Here wil. Geloof het Noag anders laat optree as sy tydgenote. Geloof het van hom ‘n ligpunt in die donker wêreld gemaak. Noag wys dat ‘n mens deur genade en die werking van die Heilige Gees sonde kan weerstaan. Daarvoor het Christus aan die kruis betaal. Deur geloof in Hom maak God van elke gelowige ‘n ligpunt in die donker wêreld. Laat jou lig vandag helder in die donker skyn.

Ds AP Krüger (Postmasburg)

Glasstukke

2008-06-26T09:32:00.001+02:00

Soms is n mens se lewe vol glasstukke,

Wat baie seer en diep sny,

Maar die Here skraap al die stukkies glas bymekaar

Herrangskik dit en maak die mooiste mosaiek daaruit.

Dis hoekom jy so mooi mens is,

Jy het toegelaat dat GOD jou skep,

Elke dag!

Die heerskappy van die dood deurbreek

2008-06-25T09:40:00.002+02:00

Genesis 4:1-15; 5:21-24

Die geslagsregister van Gen 5 bevestig die oordeel van die Here oor die sonde. Hy het gesê: “Stof is jy en tot stof sal jy terugkeer “(3:19b OAV). Só het die dood ‘n werklikheid geword. Kaïn se jaloesie kry die oorhand en hy slaan sy broer dood. Die stryd tussen lewe en dood het begin. Sonde verwoes die liefde tussen mense en bedreig die kosbare gawe van lewe wat God aan die mens gegee het. Voortaan sal die mens nie net teen die natuur moet stry om te oorlewe nie. Hy moet ook teen homself en sy medemens stry om die lewe te behou.

Dit lyk na ‘n verlore stryd. In Gen 5 hoor ons elke keer: “…en hy het gesterwe”. Die dood oorwin telkens, totdat ons van Henog lees: “En Henog het met God gewandel; en hy was daar nie meer nie, want God het hom weggeneem” (5:24 OAV). In Henog is die heerskappy van die dood deurbreek. Die Here gee die vooruitsig van ‘n oop graf. Van Henog af kyk ons oor die eeue na ‘n klip wat eenkant toe weggerol is. Die graf is oop en Hy wat daarin was, lewe.

Alles loop nog in hierdie lewe op die dood uit, maar nou is die dood nie die einde van die lewe nie. Die dood is oorwin. Die siklus van lewe en sterwe het ‘n siklus van lewe en sterwe én LEWE geword, want Henog is weggeneem en Christus het opgestaan. Deur die geloof in Hom lewe ons nou en vir ewig.

Ds AP Krüger

Werk en sweet

2008-06-24T11:16:00.003+02:00

Genesis 3:17-19

Waarom word ‘n mens moeg as jy werk? Dink net hoe lekker sal dit wees om te werk sonder om moeg te word. Werk is nie ‘n straf op die sonde nie. Die werkopdrag is voor die sondeval gegee (Gen 2:15). Adam en Eva sou met vreugde en sonder moeg word hulle koningskap oor God se skepping kon uitoefen. Hulle het egter self besluit om teen die Here in opstand te kom. Die duiwel het hulle wel daartoe verlei, maar dit neem nie hulle skuld weg nie. Hulle kon “nee” gesê het. As gevolg van hulle opstand teen God, verloor hulle die voorreg om te werk sonder om moeg te word.

Die straf van die Here raak drie sake aan. Die mens sal met moeite sy kos uit die aarde kry. Daarby is die opbrengs beperk as gevolg van dorings en distels waarteen die mens voortdurend moet stry. Derdens sal die moeisame stryd om genoeg kos te produseer, van die wieg tot die graf voortduur. Alles wat die mens doen, sal moeite en inspanning vereis. Hy sal geen resultate behaal
sonder moeg word nie.

Is jy moeg gewerk? Dink aan die verwoestende mag van die sonde, maar moenie daarby ophou nie. Dink ook aan die genade wat God beloof het. Die vrou se nageslag (Jesus) het die kop van die slang (die duiwel) vermorsel. Daarom kan ons nou weer werk tot eer van die Here alleen. Is jy moeg gewerk? Ja, maar nie moedeloos moeg nie!

Ds AP Krüger

God se rus en ons rus

2008-06-23T13:50:00.003+02:00

“In die begin het God die hemel en die aarde geskape. En die aarde was woes en leeg” (1:1,2 OAV).

God het geskep. Hy het net ‘n woord gesê en alles het uit niks te voorskyn gekom. Sy skeppingswoord bring orde in die hemel en op aarde. Dag en nag volg mekaar reëlmatig op. So wys God dat Hy ‘n God van orde is. Na die ses dae waarin God alles volgens sy volmaakte plan geskape het, het Hy “op die sewende dag gerus van al sy werk wat Hy gemaak het”. Hy rus nie omdat Hy moeg is nie, maar Hy geniet sy skeppingswerk. Hy sonder die dag af as ‘n dag van rus. Hierin moes Adam en Eva Hom navolg. Hulle ontvang ses dae waarop hulle kan en moet werk. Op die sewende dag maak die Here hulle hande los om die verhouding met Hom te geniet. Op die sewende dag leer hulle Hom ken as die God wat nie van mense slawe van hulle werk maak nie. Hy wil hê dat hulle koning moet wees oor hulle werk. Hulle kan, veral in sy teenwoordigheid, volmaakte harmonie en rus vind.

Hierdie rus in die teenwoordigheid van die Here is deur Christus vir ons moontlik gemaak. Elke Sondag vertel van sy heerlike genade. Ons kan in sy teenwoordigheid rus deur sy Woord te hoor en sy liefde geniet.

Hoe rus jy elke Sondag?

Ds AP Krüger (Postmasburg)

God is in beheer!

2008-06-17T13:28:00.004+02:00

MISKIEN was daar ook oomblikke in jou lewe waar jy die vraag van Psalm 10:1 wou vra:

“O‚ Here‚ waarom staan u so ver weg …?”

Vandag met al sy nsekerheid waar die mens soek na vastigheid en na rigting en na rus en vrede en sekuriteit‚ vra die mens dit des te meer. En jy soek dit by iemand groter as jyself – jy soek dit by God.

Is Hy in beheer van sake? Alles lyk dan so Godloos! Ons lewe voorwaar in verwarrende en droewige omstandighede. Suid-Afrika is ’n gekweste en brandende land. ’n Land waar die duiwel sy bes probeer om ’n geweldstruktuur te vestig. Moord en doodslag en ongebreidelde geweld is aan die orde van die dag.Daarby het ’n gees van materialisme en magswellus en morele verwildering en pessimisme van ons besit geneem. En in jou eie huiskring is daar hartseer en teleurstelling en pyn en lyding en siekte en dalk die dood. En miskien het jy ook al neerslagtig begin wonder: Is dit dan hoe God se wêreld lyk? En is God ooit nog in beheer?

Wat sê die Bybel? Die belangrikste is dat God nie beheer verloor het nie. Daarom laat Hy ook nie toe dat die verkeerde handuit ruk nie. Judas vers 6 sê duidelik dat God Satan en sy trawante met onbreekbare kettings gebind het.

En tog laat God toe dat die Satan ons op beperkte wyse beproef en versoek. God laat toe dat ons soms ernstig siek word en dat ons elkeen aan die einde van ons dae die dood in die gesig sal staar. Maar Hy laat dit alles toe met ’n doel. Hy gebruik dit as ’t ware sodat sy verlossingsplan kan slaag. 1 Petrus 1:7 sê: Hy toets daarmee die egtheid van ons geloof. Jakobus 1:2-4 sê: Sodat ons tot volle geestelike rypheid kan kom. Hebreërs 12 sê dat God soms die dinge gebruik om ons te tugtig sodat ons weer in gehoorsaamheid sal terugkeer.

Wat die duiwel dus ten kwade bedoel het‚ keer God in sy almag om sodat daaruit die goeie gebore kan word. Josef sê aan sy broers: Julle wou my kwaad aandoen‚ maar God wou daarmee goed doen. Op ’n verborge wyse staan ál die gebeurtenisse (ook die negatiewe dinge) in die wêreld dus tog wel in diens van die koms van Gods koninkryk.

Die pyn van vandag is heel moontlik die saad vir ’n beter môre. Ook die pyn wat ons ervaar met teleurstelling en droogte en rampe en onrus en siekte en dood … is eintlik maar soos ’n geboortepyn waaruit die nuwe gebore kan word. ’n Nuwe dag. ’n Nuwe môre. ’n Nuwe blydskap. Die nuwe lewe in Jesus Christus‚ en uiteindelik ook die ewige lewe. In Romeine 8 sê Paulus dit in soveel woorde: Ons weet dat die hele skepping tot nou toe sug in die pyne van verwagting … Maar ons weet ook dat God alles ten goede laat meewerk vir die wat Hom liefhet.

My God lewe … en my God is in beheer … en ek weet aan wie ek my toevertrou het‚ al wissel dan ook dag en nag. Ek ken die rots op wie ek gebou het van wie ek al my heil verwag.

Bron: Midweek Bediening

Vertrou God blindelings

2008-06-13T10:26:00.003+02:00

Lees 1 Konings 16:29-34

Elia was ‘n reguit mens. Hy het nie doekies omgedraai nie. Hy was in diens van God. Hy was onverstrokke in sy opdrag van God. Hy was nie skaam om kant te kies vir God nie. Dit verg moed. Hy het met blindelingse geloof God gevolg. In vers 5 het hy gedoen soos God aan hom opgedra het. Hy het uithouvermoë gehad. Hy steek sy eie ego in sy sak om na die weduwee te gaan. Maar God is in beheer en Elia weet dit. Toe die weduwee se kind dood gaan was dit ‘n beproewing vir Elia. Maar Elia hou aan met bid. Die Here beantwoord sy gebed en die kind lewe weer.

Hoe sou ons met Elia vergelyk het? Ons moet vir die wêreld kan sê ons aanbid God. Ons moet nie saam met die wêreld gaan nie. Ons moet nie skaam wees vir God nie. Watse standpunt neem jy in vir God? Is ons bereid om God blindelings te vertrou?

As jy in diens van God staan sal satan jou aanval. Daar sal beproewinge wees. Volhard! Gaan aan, kom wat wil. Volhard! God wat roep is getrou. Ons moet bly wees as ons beproef word. Dan word ons sterker in ons geloof.

God wil hê dat ons ambasadeurs vir Hom moet wees. Ons moet Hom bo alles dien. Ons moet uitstaan in die wêreld. Ons moet God blindelings vertrou.

Die Gees staan vir ons by in ons swaarkry

2008-06-12T10:25:00.005+02:00

Rom 8:26 En net so kom ook die Gees ons swakhede te hulp, want ons weet nie reg wat ons moet bid nie, maar die Gees self tree vir ons in met onuitspreeklike sugtinge.

Die Gees staan vir ons by in ons swaarkry. Die Gees weet dat ons nie aldag regtig weet waarvoor ons moet bid nie, waarna ons mag verlang nie, waarna die hele skepping uiteindelik op pad is nie. Ons kan nog nie die versugtinge van die Gees mooi begryp nie. Ons weet nie aldag wat in ons eie belang is nie. Maar die Gees tree vir ons en vir die hele skepping in. Deur die versugtinge van die Gees kan alles uiteindelik ten goede meewerk.

Die Gees pleit vir die gelowiges, dat alles vir hulle ten goede sal laat meewerk, dat God se wil in hulle lewens sal geskied.

God is in beheer (onreg)

2008-06-11T08:30:00.001+02:00

Josef – ‘n bekende lewensverhaal.

Lees Genesis 45: 1-5

Josef se broers het ‘n onreg aan hom gedoen. Voel ons ook soms verontreg? Miskien kyk jy na ander en vra hoekom word hulle bevoordeel? Dit is nie regverdig nie. Ek dien die Here, hoekom laat Hy toe dat dinge met my swaar gaan? Hoekom kan ek nie vorentoe gaan nie? Maar weet dat God regverdig is en Hy sal ongeregtighede nie ongestraf laat verby gaan nie.

Pro 24:16 Want sewe maal val die regverdige en staan weer op, maar die goddelose struikel in die ongeluk.

Pro 18:10 Die Naam van die HERE is ‘n sterk toring; die regverdige hardloop daarin en word beskut.

Ons moet as regverdiges deur geloof lewe. Maak nie saak wat my emosies en gevoelens is nie, God is in beheer. God het ‘n meesterplan met my lewe. God beskik. Dit is nie maklik nie, maar ons moet besef dat God in beheer van ons lewens is.

Isa 26:7 Die pad van die regverdige is gelyk; U maak die spoor van die regverdige gelyk.

Te midde van ons omstandighede is en bly God in beheer. Maak nie saak wat ander aan my doen nie – God is in beheer van my lewe.

Getuie vir Jesus

2008-06-10T12:50:00.002+02:00

Handelinge 22:15 want jy sal vir Hom by al die mense ‘n getuie wees van wat jy gesien en gehoor het.

Somtyds laat ongelowige familie en medewerkers ons klein en minderwaardig voel (soos 2de klas burgers) – omdat ons christene is. En ongelukkig begin ons dit te glo met verloop van tyd. Dit is wanneer ons droefgeestige christene word. Bang om ‘n woord te sê in vrees dat jy dalk iemand anders sal aanstoot gee. En dit is presies wat die vyand wil hê ons moet voel!

Gelukkig het ons ‘n keuse om so te voel of nie. Jesus het gesê dat wie Hom volg nooit honger of dors sal wees nie – ons is vrygemaak van sonde en die dood – ons is vernuwe, skoongemaak en vergewe. God het ons oneindig lief - vir ewig. Hoe kan ons met die wete dan droefgeestig wees?

Ons moet ons koppe hoog hou en ander mense vertêl van die werk wat God doen in ons lewe. Ons is losgekoop en ons moet van Hom getuig met ‘n blye hart! Ons hoef nie klein in minderwaardig te voel nie want ons is groot in Hom. Ons hoef nie bang te wees om iets te sê nie, want Hy gee ons die insig en krag om Sy getuies te wees.

Hoe kan ek onderskei tussen ware en leuen christene?

2008-06-09T12:44:00.003+02:00

Baie van ons kom daagliks in aanraking met gelowiges wat hulself 'n christen noem. Hoe kan ek bepaal of die persoon werklik 'n kind van God is?

Quote:Mat 12:33 Julle moet òf die boom goed maak en sy vrugte goed, òf julle moet die boom sleg maak en sy vrugte sleg; want aan die vrugte word die boom geken.

Vra jou die vraag af. Wat openbaar die persoon in sy lewe? Openbaar hy die volgende in sy/haar lewe?

Quote:1Co 13:1 Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. 1Co 13:2 En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. 1Co 13:3 En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. 1Co 13:4 Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie, 1Co 13:5 handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie, 1Co 13:6 is nie bly oor die ongeregtigheid nie, maar is bly saam met die waarheid. 1Co 13:7 Dit bedek alles, glo alles, hoop alles, verdra alles. 1Co 13:8 Die liefde vergaan nimmermeer; maar profesieë—hulle sal tot niet gaan; of tale—hulle sal ophou; of kennis—dit sal tot niet gaan. 1Co 13:9 Want ons ken ten dele en ons profeteer ten dele. 1Co 13:10 Maar as die volmaakte gekom het, dan sal wat ten dele is, tot niet gaan. 1Co 13:11 Toe ek ‘n kind was, het ek gepraat soos ‘n kind, gedink soos ‘n kind, geredeneer soos ‘n kind; maar nou dat ek ‘n man is, het ek die dinge van ‘n kind afgelê. 1Co 13:12 Want nou sien ons deur ‘n spieël in ‘n raaisel, maar eendag van aangesig tot aangesig. Nou ken ek ten dele, maar eendag sal ek ten volle ken, net soos ek ten volle geken is. 1Co 13:13 En nou bly geloof, hoop, liefde—hierdie drie; maar die grootste hiervan is die liefde.

Met bogenoemde weet jy met wie jy te doen het. Weet jy wie valsheid in hom/haar rondra. Wie dwaallering verkondig.

Verlossing in tye van benoudheid

2008-06-04T08:38:00.003+02:00

Isa 33:2 HERE, wees ons genadig, op U wag ons; wees hulle arm elke môre, ja, ons verlossing in die tyd van benoudheid!

Met die bou van die Golden Gat Brug in San Francisco het die konstruksie daarvan agter geraak as gevolg van werkers wat afgeval van die stellasies. Etlike werkers is so dood. Die Inginiers kon nie ‘n oplossing vir die probleem vind nie. Ten einde laaste het iemand ‘n voorstel gemaak dat hulle ‘n reuse net onder die brug span om die werkers te vang wat per ongeluk afval. Die Inginiers het baie onkostes aangegaan om die net te span. Nadat die net aangebring was onder die brug het die konstruksie van die brug sonder enige verdere probleme voortgegaan. Daar het ‘n werker of twee afgeval, maar is veilig deur die net gevang. Die verlore tyd is ingehaal omdat die werkers se vrees vervang is met ‘n vertroue in die net.

Het jy enige vrese? Die Here is altyd daar om ons net te wees – om ons te vang as ons val. Hy is ons toevlug in tye van nood. Hy voorsien ons met die perfekte veilige net in Jesus Christus! God is ons verlossing in tye van benoudheid!

Gevaar van meditasie/yoga

2008-06-03T11:12:00.000+02:00

Die beoefening van meditasie (asook yoga) is ‘n gevaarlike praktyk vir christene. Jy stel jouself bloot aan vreemde geeste en leringe en kan jou van die suiwer geloof af weglei . Moet eerder nie die kans waag nie en bly weg daarvan af.Meditasie is 'n Oosterse metode van ontspanning, afsluiting van die materiële wêreld en oopstelling vir die kosmiese dimensie.

Artikel oor Meditasie

'Christelike' meditasie is 'n wolf in skaapsklere wat deur alle welmenende Christene weggewys moet word. Ons moet die woord van die Here dag en nag oordink. Om dit te kan verstaan, het die Here vir ons verligte oë van die verstand gegee, en ook sy Heilige Gees om ons in die hele waarheid te lei. Ons het geen opdrag om ons logiese verstand af te skakel en op 'n bykans rituele wyse na die dieptes van die regterbrein af te daal nie. Dave Hunt (1988:275) waarsku dat openbaringe wat 'n mens tydens meditasie en die belewing van 'n veranderde bewussynstoestand kry, aan geen kontrole onderworpe is nie omdat jy van die basis vir objektiewe evaluering afgesny is.

Wat ook al gebeur, ons dien die enigste God

2008-06-02T13:17:00.003+02:00

1Th 2:14 Want julle, broeders, het navolgers geword van die gemeentes van God wat in Christus Jesus is in Judéa, omdat julle ook dieselfde dinge gely het van julle eie stamgenote net soos hulle van die Jode,

Wanneer ‘n mens swaarkry, lê daar ‘n stukkie troos in om te weet dat dit nie net jy is wat ly nie, maar dat daar al baie ander was wat dieselfde pad moes loop.

Paulus verduidelik dat die woord van God wat die gemeente in die krag van die Gees aanvaar het as komende van die Here self, hulle in staat gestel het om net soos die Christene uit die Jodendom vervolging te kan deurstaan. In Judea is die Jode wat Christene geword het, deur hulle bloedbroers (die Jode) vervolg ter wille van hulle geloof in Christus. Net so word die Thessalinicense deur hulle bloedbroers (heidene) vervolg omdat hulle nie meer die afgode dien nie.

Christene moet weet dat daar altyd pogings sal wees om die verkondiging van die Woord in die weg te staan. So is profete in die Ou-Testamentiese tyd gedood, later is Christene vervolg, en Paulus is by tye verhinder om die Evangelie van Christus te verkondig. Die pogings om die Woord te stuit kan van mense of van die duiwel kom.

In die geskiedenis van die kerk het dit ook herhaalde male gebeur. Mense is gemartel in die hoop dat die ware geloof uitgewis sou word.Die verhindering van die Evanglie kan ook meer subtiel geskied soos dit vandag wêreldwyd die geval is – ook in Suid-Afrika. Ons kinders moet geleer word dat alle godsdienste gelyk is, dat almal maar dieselfde God aanbid, dat ons vir al die godsdienste eerbied moet hê. Dit is alles pogings om te sê: daar is nie net een ware God nie. So word gepoog om die Evangelie van Jesus Christus uit die weg te ruim.

Ons moet vasstaan en onthou dat ons die enigste ware God aanbid. Ons moet ons kinders leer dat ons Jesus Christus die enigste ware God is!

Mag God ons altyd die krag gee om aan Hom getrou te bly.

deur Prof R Marè

GEBEDSAKSIE

2008-05-30T20:56:00.000+02:00

2 Kron 7:14 "...as my volk, oor wie my naam uitgeroep is, hulle Verootmoedig en bid en my aangesig soek en hulle bekeer van hul verkeerde weë dan sal Ek uit die hemel hoor en hulle sonde vergewe en hulle land genees."

GEBEDSAKSIE

Kom ons begin met 'n Internet gebedsaksie.Ons doen dit soos volg:

Wanneer jy hierdie gelees het, dan bid jy sommer daar waar jy nou sit.

Nadat jy gebid het, dan stuur jy die gedeelte aan (per e-pos of op jou blog).

BID ASSEBLIEF SAAM :

1. Hemelse Vader ons bid vir berou en bekering.

2. Vader ons bid vir vergifnis van ons sonde.

3. Ons bid dat U die mense se geestelike oë en ore sal oopmaak

4. Ons bid dat U die mense in Suid-Afrika genadig sal wees en sal seën

5. Ons DANK U vir reën wat reeds geval het en bid dat U genoeg reën sal stuur na plekke wat smag daarna.

6. Ook dat U alle onskuldige Suid-Afrikaners sal beskerm teen al die geweld.

7. En dat daar 'n positiewe verandering in Suid-Afrika sal plaasvind.

Ons bid dit in die Naam van JESUS. Amen

BID SAAM en stuur asseblief aan!

GOD IS GETROU

2008-05-29T10:50:00.000+02:00

Psa 89:1 ‘n Onderwysing van Etan, die Esrahiet. Die goedertierenhede van die HERE wil ek vir ewig besing; ek wil u trou bekend maak met my mond van geslag tot geslag. 2 Want ek het gesê: Goedertierenheid sal vir ewig gebou word; in die hemele—daar bevestig U u trou. 3 Ek het ‘n verbond gesluit met my uitverkorene, met ‘n eed aan Dawid, my kneg, belowe: 4 Tot in ewigheid sal Ek jou nageslag bevestig en jou troon opbou van geslag tot geslag. Sela. 5 En die hemele loof u wondermag, o HERE, ook u trou in die vergadering van die heiliges.

Bestaan getrouheid vandag nog? Slegs uit God se optrede leer ons wat getrouheid is, want God is getrou. Hy is die getroue Skepper. Die Here se liefde en trou wankel nooit, dit hou vir ewig.

‘n Pragtige voorbeeld is waar God Abraham beveel om Isak te offer. Isak vra sy vader: “… waar is die lam vir ‘n brandoffer?” waarop Abraham antwoord: “… God sal vir Homself die lam vir ‘n brandoffer voorsien, my seun”. Ons weet wel hoe hierdie gebeurtenis op Moria geeindig het, maar onthou, Abraham het nie vooraf geweet of sy seun dit sou oorleef nie. Hy het wel die sekere en onwrikbare wete gehad – God is getrou.

Moses het nie geweet waar hy vir ongeveer twee miljoen mense gaan kos kry in ‘n ongenaakbare woestyn nie. Elke dag voorsien God egter manna en kwartels. Al was die mens ontrou, God bly getrou.

Elke dag moet ons aan die kosbare waarheid vashou: God is getrou. Sy Woord, sy Seun en sy Gees bevestig dit. Sy goedertierenheid is van ewigheid to ewigheid oor die wat Hom vrees.

deur Ds. G Pretorius

Conversations with God

2008-05-28T07:56:00.002+02:00

Neale Donald Walsch is ‘n self aangestelde “verligte” een. In waarheid is hy mislei en deur sy gewilde boeke mislei hy ook duisende. Hy beweer dat God met hom praat om ‘n boodskap te bring vir die wêreld. Sy boek “Conversations with God” word aanvaar as God se beskouing oor die mensdom. Walsch se “God” deel met baie vrae rakende die lewe soos liefde, verhoudings, goed en sleg, skuldgevoel en sonde, vergifnis, seks, mag, geld, huwelik en ‘n klomp ander sake wat die mensdom pla.

Walsh se “God” maak baie “waarhede” bekend wat nie strook met God se Worod nie. Soos byvoorbeld, hy aanvaar reinkarnasie, verwerp sonde, ontken die duiwel en die hel en dimoraliseer die Bybelse God. Dit is maar net ‘n paar van die verdraaide leringe wat Walsch se “God” aan gee as ‘n nuwe openbaring.

Walsch verskil nie van enige ander “new age” skrywer nie. Hy verlaag die Bybel deur te sê dat dit nie die waarheid is en en stel sy eie openbaring as die regte waarheid voor.

Onbybelse leringe

Die volgende word as waarheid aangebied deur Walsh. Elke vals stelling van Walsh word opgevolg deur ‘n kort bybelse weerlegging.

STELLING 1 - Daar is nie ‘n Duiwel/ Satan nie. “And so you have created in your mythology the being you call ‘devil.’” “You have come here to work out an individual plan for your own salvation. Yet salvation does not mean saving yourself from the snares of the devil. There is no such thing as the devil, and hell does not exist.” “Of course, a real devil does not exist – but I reply to the idiom you choose.”

WEERLEGGING -1Peter 5:8 sê dat die duiwel soos ‘n brullende leeu rondloop om ons te verslind. “Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.”

In Joh 8:44 het Jesus aan die mense gesê wat nie Sy Woord wou aanvaar nie, “Julle het die duiwel as vader, en die begeertes van julle vader wil julle doen. Hy was ‘n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy ‘n leuenaar is en die vader daarvan.”

Openbaring herinner ons in Openb 20:10 “En die duiwel wat hulle verlei het, is in die poel van vuur en swawel gewerp waar die dier en die valse profeet is; en hulle sal dag en nag gepynig word tot in alle ewigheid.”

STELLING 2 - Daar is nie sonde nie. “If there were such a thing as sin, this would be it: to allow yourself to become what you are because of the experience of others. This is the ‘sin’ you have committed. All of you.” “You accept that you were born in ‘sin.’ This alleged state of imperfection in which you are said to have come into this world is what your religionists have the gall to call original sin. And it is original sin – but not yours. It is the first sin to be perpetrated upon you by a world which knows nothing of God if it thinks that God would – or could – create anything imperfect. Yet, in order to justify the idea of a punitive God, your religions needed to create something for Me to be angry about. So that even those people who lead exemplary lives need to be saved.”

WEERLEGGING - Rom 3:23 vertel ons “want almal het gesondig en dit ontbreek
hulle aan die heerlikheid van God,”

Markus 7: 21-23 “Want van binne, uit die hart van die mense, kom die slegte gedagtes, egbreuk, hoerery, moord, diewery, hebsug, boosheid, bedrog, losbandigheid, afguns, lastering, hoogmoed, dwaasheid. Al hierdie booshede kom van binne uit en maak die mens onrein.”

Joh 16:8-11 en as Hy kom, sal Hy die wêreld oortuig van sonde en van geregtigheid en van oordeel: van sonde, omdat hulle in My nie glo nie; en van geregtigheid, omdat Ek na my Vader gaan en julle My nie meer sal sien nie; en van oordeel, omdat die owerste van hierdie wêreld geoordeel is.

STELLING 3 - Daar is nie ‘n hel of plek van ewige verdoemenis nie. “But hell does not exist as this place you have fantasized, where you burn in some everlasting fire, or exist in some state of everlasting torment. What purpose could I have in that?” “There is no such thing as the devil, and hell does not exist.” “The first place you go is to your religionists . . . you go to your priests and your rabbis and your ministers and your teachers, and they tell you to stop listening to your Self. The worst of them try to scare you away from it; scare you away from what you intuitively know. They’ll tell you about the devil, Satan, about demons and evil spirits and hell and damnation and every frightening thing they can think of to get you to see how what you were intuitively knowing and feeling was wrong.”

WEERLEGGING - Jesus het sy volgelinge gewaarsku dat daar ewige straf wag vir die wat Hom verwerp. Mat 13:40 Net soos die onkruid dan bymekaargemaak en met vuur verbrand word, so sal dit wees in die voleinding van hierdie wêreld: 41 die Seun van die mens sal sy engele uitstuur, en hulle sal uit sy koninkryk bymekaarmaak al die struikelblokke en die wat die ongeregtigheid doen, 42 en sal hulle in die vuuroond gooi. Daar sal geween wees en gekners van die tande.

Jesus vervolg in Mat 25:46 En hulle sal weggaan in die ewige straf, maar die regverdiges in die ewige lewe.

Rev 20:10 En die duiwel wat hulle verlei het, is in die poel van vuur en swawel gewerp waar die dier en die valse profeet is; en hulle sal dag en nag gepynig word tot in alle ewigheid.

STELLING 4 - Reinkarnasie bestaan. “This is a big task, taking many lifetimes, for you are wont to rush to judgment, to call a thing ‘wrong’ or ‘bad’ or ‘not enough,’ rather than to bless what you do not choose.” “It may take lifetimes to understand this – and even more lifetimes to implement – for this truth revolves around an even greater one.” This entity that Walsch is dialoguing with makes the following comment regarding Walsch’s intense desire to know if he has had previous incarnations. “You have had exactly 647 past lives, since you insist on being exact. This is your 648th. You were everything in them. A king, a queen, a serf. A teacher, a student, a master. A male, a female. A warrior, a pacifist. A hero, a coward. A killer, a savior. A sage, a fool. You have been all of it.”

WEERLEGGING -Heb 9:27 En net soos die mense bestem is om een maal te sterwe en daarna die oordeel,

STELLING 5 - God is persoonlik en onpersoonlik sowel as manlik en vroulik. “God the Son is experiencing – the embodiment, the acting out, of all that the Father knows of itself.” “Of course, you are well past the point where you must have it explained to you that the father-son descriptions of God have nothing to do with gender.” “If you think God looks only one way or sounds only one way or is only one way, you’re going to look right past Me night and day. You’ll spend your whole life looking for God and not finding Her. Because you’re looking for a Him.” “The promise of God is that you are His son. Her offspring. Its likeness. His equal.” “You will know you are the son of God when you honor your Father/Mother God in all that you say or do or think.” “Yet the thinking mind begs to ask: if God has a way She wants me to be, why didn’t She simply create me that way to begin with?” “Yes, I am God, as you now understand Him. I am Goddess as you now comprehend Her.”

WEERLEGGING - Dit is duidelik in die Bybel dat God ‘n persoonlike verhouding met Sy Vader gehad het. Jesus het tot Sy Vader gebid en Jesus vermaan ons ook om dieselfde te doen. Mat 6:6 sê dat die Vader ons sien bid en weet wat ons vra. Later kan ons in vers 14 sien dat die Vader ons sal vergewe as ons ander vergewe. God toon telkens persoonlike eienskappe in die Bybel. God hoor (Ex. 2:24), God sien (Gen. 1:4), God weet (2 Tim. 2:19; Jer.29:11), God het ‘n wil (1 John 2:17; Matt. 6:10, 26:39; Rev. 4:11), God kommunikeer (Ex. 3:13-14), God beplan (Eph. 1:11), God demonstreer emosie (Gen. 6:6), en God demonstreer karakter (2 Peter 3:9).

Die Bybel verwys konstant na God as manlik. Daar is geen verwysing na God as “dit” of ‘n “godin” of ‘n “sy/haar” nie.

STELLING 6 - Jesus is net ‘n meester soos Buddha of Krishna. “This is what Jesus did. It is the path of the Buddha, the way of Krishna, the walk of every Master who has appeared on the planet. And every Master has likewise the same message: What I am, you are. What I can do, you can do. These things, and more, shall you also do. You say it is difficult to walk the path of Christ, to follow the teachings of the Buddha, to hold the light of Krishna, to be a Master.”

WEERLEGGING - Jesus is uniek. Daar is geen/niks soos Hy nie. Hy is Christus, die Seun van God. Nie ‘n seun nie, maar Die Seun. Hy is die enigste Verlossing en daar is geen ander. Hy is die Weg, die Waarheid en die Lewe. Joh 14:6 Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.

Jesus is die Skepper (John 1:3), ons Verlosser (John 4:24), ons regter (John 5:27), die vergewer van sondes (Mark 2:7,10). Dit vernaamste aanduiding van Jesus se uniekheid is Sy opstanding. (Matthew 28:1-10; Mark16:1-8; Luke 24:1-11; John 20:1-18).

Nie Buddha, of Krishna, of enige sogenaame “Meester” het ooit uit die dood opgestaan nie. Hulle bly in die graf. Slegs Jesus Christus het uit die dood opgestaan en daardeur Sy unieke posisie bewys oor al die sogenaamde gode.

STELLING 7 - Die mens is God. “My purpose in creating you, My spiritual offspring, was for Me to know Myself as God. I have no way save through you. Thus it can be said that My purpose for you is that you should know yourself as Me.” “You are, have always been, and will always be a divine part of the divine whole, a member of the body. That is why the act of rejoining the whole, of returning to God, is called remembrance. Your job on Earth, therefore, is not to learn, but to re-member Who You Are.” “In creating ‘something else’ – namely, the realm of the relative – I have produced an environment in which you may choose to be God, rather than simply be told that you are God.” “Do you want your life to truly ‘take off’? Then change your idea about it. About you. Think, speak, and act as the God You Are.” “Good, for I tell you this: You are already a God. You simply do not know it. Have I not said, ‘Ye are Gods’?”

WEERLEGGING - Weereens beweeg Walsh na die “new age” filosofie. Die Woord maak dit baie duidelik dat die mens geformeer is uit grond (Gen. 2:7) en dat ons nie vir ewig is nie. Neem die volgende in ag:

 God is oral teenwoordig (Ps. 139:7-12; Jer. 23:23-24); die mens is beperk tot plek en tyd (John 1:50).
 God is alwetend (Ps. 147:5); die mens is beperk in sy kennis (Job 38:4-15).
 God is almagtig (Ps. 115:2-3); die mens se vermoë is beperk (John 15:5, 2 Cor. 3:5).
 God is heilig (Is. 57:15); die mens in die heilig nie (Is. 64:6).
 God is liefde (1 John 4:7-8); die mens kan nie onvoorwaardelik lief hê nie (Gal. 5:19-21).

Rom 12:3 Want deur die genade wat aan my gegee is, sê ek vir elkeen wat onder julle is, dat hy nie van homself meer moet dink as wat ‘n mens behoort te dink nie; maar dat hy daaraan moet dink om besadig te wees na die maat van geloof soos God dit aan elkeen toebedeel het.

STELLING 8 - Die christendom besit nie uitsluitlik die waarheid nie - daar is baie weë na God. “Allow each soul to walk its path.” “Yet know this: there is no such thing as an incorrect path - for on this journey you cannot ‘not get’ where you are going.”

WEERLEGGING - Joh 14:6 Jesus antwoord hom: Ek is die weg en die waarheid en die lewe; niemand kom na die Vader behalwe deur My nie.

Gevolgtrekking

Daar is geen twyfel dat Neale Donald Walsch wel ‘n “God” het nie. Dit is hyself. Hy is onbetwisbaar ‘n panteis en het sterk sienings rondom die “new age” wêreld beskouing. Hy is egter ‘n valse profeet wat God se kinders wil verslind. 1Pe 5:8 Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.

Hierdie boek is sonder twyfel een van die meest misleidende boeke gemik teen kinders van God. Ons as christene moet waak teen die valse profete en vals leringe. Ons moet vas staan in God en alles leringe meet volgens God se Woord.

Lydentroos

2008-05-27T12:56:00.004+02:00

Rom 8:28 En ons weet dat vir hulle wat God liefhet, alles ten goede meewerk, vir hulle wat na sy voorneme geroep is.

Die woordjie alles omvat eenvoudig alles. Dit is nie net die mooie nie, maar ook die lelike; nie net die soet nie, maar ook die bitter; nie net ons oorwinning nie, maar ook ons neerlae; nie net die goeie nie, maar ook die slegte; alles werk mee ten goede vir hulle wat God liefhet. God laat uit die kwaad die goeie gebore word; Hy draai alles eenvoudig om, en laat dit vir ons ten goede meewerk. Waarlik, God is louter goedheid.

God is lig

2008-05-26T12:25:00.003+02:00

Joh 1:4 In Hom was lewe, en die lewe was die lig van die mense. Joh 1:5 En die lig skyn in die duisternis, en die duisternis het dit nie oorweldig nie.

God voorsien egter nie net vir ons lig nie: Hy is Lig! Die lig wat Jesus gebring het, is vir almal beskikbaar.

Deur die eeue heen het mense aan God gedink as 'n wese wat helder lig uitstraal. Wanneer ons sê God is lig, verwys ons daarmee dus ook na sy heerlikheid. Lig is dus die simbool van sy vleggelose heerlikheid, maar ook van sy heiligheid en reinheid.

Daar is ook 'n morele aspek in die uitspraak: "God is lig." Duisternis word gekoppel aan die Bose en aan sonde. Misdade word dikwels in die duisternis gepleeg. Die mense wat hierdie dade pleeg, dink dat ook God hulle dade nie kan sien nie. Maar die skuldgevoelens wat op hulle dade volg, werp 'n donker skaduwee oor hulle gewete.

In teenstelling hiermee staan God se onbevlekte heiligheid en reinheid. In Hom is daar geen duisternis nie. Ons lewe op aarde behoort 'n weerkaatsing te wees van God se lig in Jesus Christus.

Die Wet

2008-05-23T09:00:00.000+02:00

Gal 4:4 Maar toe die volheid van die tyd gekom het, het God sy Seun uitgestuur, gebore uit ‘n vrou, gebore onder die wet, Gal 4:5 om die wat onder die wet was, los te koop, sodat ons die aanneming tot kinders kan ontvang.

Van Jesus se geboorte af was Hy aan die wet onderworpe, wat beteken dat Hy Hom laat besny het en alles gedoen het wat die wet van hom geëis het. Hy het die wet onderhou. Hy het dit gedoen om in die mens se plek die wet te onderhou en so die mens te bevry, los te koop van die vloek van die wet. Hy het ons verlos van die vloek van die wet en ons vrygemaak sodat ons God as vry mense kan dien. Hierdeur het Hy dit moontlik gemaak dat ons as kinders van God aangeneem kon word. In die plek van die verslawende juk van die wet het Christus die vryheid van kinders van God vir ons verwerf.

Die kort en die lank van die wet is: Die wet was NOOIT bedoel om ‘n middel tot redding te wees nie, maar ‘n middel waardeur ‘n mens jou sonde kan ontdek sodat jy verlossing van sonde by God kan soek.

Psalm 91: Sy beskerming

2008-05-22T12:57:00.002+02:00

God belowe ons in Psalm 91 dat Hy Sy engele bevel gegee het om ons op ons pad te bewaar. Sy engele sal ons op hulle hande dra sodat ons nie ons voete teen 'n klip stamp nie. Ons hoef vir niks, maar absoluut NIKS, bang te wees nie. Hoe wonderlik! Ons ontvang God se beskerming in dubbel maat. Van Godself sowel as Sy engele. Hoe kosbaar moet ons dan vir Hom wees?

Psalm 91 is een van die pragtigste gedeeltes in God's Woord. Die gedeelte bied vertroosting vir my in tye wat ek moedeloos en bang voel.

Ek ervaar God as my skuilplek, toevlug, bergvesting, redder, skild en pantser en beskutting. God sê dat ek vir niemand hoef bang te wees nie, al staan ek voor tien duisend man te staan sal Hy my omvou in Sy beskerming. Dit is ongelooflik pragtig!

Daar is geen woorde vir die volgende gedeelte nie. Net absolute dankbaarheid en liefde teenoor my Here God!

Quote:Psa 91:14 Omdat hy My liefhet, sê God, daarom sal Ek hom red; Ek sal hom beskerm, omdat hy my Naam ken. Psa 91:15 Hy sal My aanroep, en Ek sal hom verhoor; in die nood sal Ek by hom wees; Ek sal hom uitred en eer aan hom gee.
Psa 91:16 Met lengte van dae sal Ek hom versadig, en Ek sal hom my heil laat sien.Ek het God ontsettend lief! Oneindig lief! My begeerte is dat elke liewe mens hierdie oneindige onbegryplike liefde van God sal ervaar in hulle lewens!

Ek het God ontsettend lief! Oneindig lief! My begeerte is dat elke liewe mens hierdie oneindige onbegryplike liefde van God sal ervaar in hulle lewens!

Gebed - Onse Vader

2008-05-19T14:11:00.003+02:00

Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee ons vandag ons daaglikse brood; en vergeef ons ons skulde, soos ons ook ons skuldenaars vergewe; en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.

Onse Vader - God is die Skepper en die Vader van alles - Hy is ons Hemelse Vader wat in ons behoeftes voorsien - Ons is Sy kinders

Laat U naam geheilig word –Dit is die aanbidder se wens dat die naam van God hoog geag en geeer word onder alle mense.

Laat u koninkryk kom - Die versoek is ‘n wens dat God oral moet heers, day Sy wette gehoorsaam moet word, en dat veral die evangelie van Christus oral verkondig moet word totdat die wêreld vol gevul word met Sy glorie.

Laat U wil geskied – Die wil van God is dat mense sy wette moet gehoorsaam en heilig moet lewe. Die woord “wil” verwys na Sy wet en wat aanvaarbaar is vir Hom. Soos wat Sy wet in die hemel gehoorsaam word moet dit ook op aarde ons begeerte wees om Hom lief te hê en Sy wet (wil) te gehoorsaam.

Gee ons vandag ons daaglikse brood – Die woord “brood” beteken alles wat nodig is om aan die lewe te bly. Hierdie versoek openbaar ons afhanklikheid van God.

En vergeef ons ons skulde – Die woord “skulde” word figuurlik gebruik. Ons sonde het ‘n ooreenkoms met skuld. Skuldenaars is gebind deur ‘n kontrak aan hulle skuldgewers. Ons het nie so ‘n kontrak met God nie en daarom word die woord “skulde” as figuurlik beskou. Die woord “skulde” beteken hier ons “sondes / oortredinge teenoor God” – wat slegs deur God vergewe kan word. Die versoek brei uit - soos ons ook ons skuldenaars vergewe -. Soos wat God ons ons oortredinge vergewe moet ons die wat ons te na kom dieselfde doen. Ons kan nie verwag om vergifnis te ontvang as onsself nie kan vergewe en vol verbittering is nie.

En lei ons nie in versoeking nie – ‘n Versoek soorgelyk aan die van Dawid in "Psa 141:4 Neig my hart nie tot iets wat sleg is, om in goddeloosheid dinge te doen saam met manne wat ongeregtigheid werk nie; en laat my van hulle lekkernye nie eet nie." God versoek geen mens nie. Die gedeelte moet dus gebruik word in die sin van “toelaat”. Moet nie toelaat dat ons versoek word in sonde nie. Hieruit word geimpliseer dat God beheer het oor die versoeker deur ons te red daarvan as ons tot Hom bid. Die woord “versoeking” beteken beproewing, teistering of enige iets wat ons geloof beproef.

Verlos ons van die Bose – Die Bose dui op satan. Die beteken in hierdie gedeelte is “verlos ons van sy mag, sy leuens, sy lokvalle en sy versoekings. Om van hom verlos te word is om veilig te wees in Jesus. Of dit kan ook beteken verlos ons van die swaar en beproewings in ons lewe.

Aan U behoort die koninkryk – Dit is God se heerskappy. God het beheer en mag oor alle dinge.

en die krag – God het die mag en krag om ons gebede te beantwoord en te gee wat ons vra. Ons kan dit nie self doen nie, maar God is Almagtig en alle dinge is moontlik deur Hom.

en die heerlikheid – Dit is, U is die eer en glorie. Nie vir ons glorie nie, maar God se glorie. Dat u heerskappy, krag en U glorie gemanifisteer word deur die verhoor van ons gebed.

Amen – Hierdie woord is van Hebreuse afkoms wat beteken om waar gen getrou te wees. Dit woord gee uitdrukking aan “waarlik, so sal dit wees”. Die woord was gebruik by die mense in die sinagoge om aan te dui dat hulle die gebed bevestig wat gebid word.

Bron: Albert Barnes notas van die Bybel

Hoekom genees God nie geamputeerdes nie?

2008-05-19T14:11:00.002+02:00

Sommige mense gebruik hierdie vraag in ‘n poging om die bestaan van God verkeerde te bewys. Daar is tot self ‘n antie-Christelike webblad wat net gewy word aan die argument “Why won’t God heal amputees?” http://www.whywontgodhealamputees.com/. "As God so almagtig is en as Jesus belowe het om enige iets te doen wat ons vra (of so dink ons gaan dit), hoekom genees God dan nie geamputeerde mense nie. God genees kankerlyers, diabetes ens. maar hy laat nooit arme en bene terug groei nie. Die feit dat ‘n geamputeerde so bly is bewys dat God nie bestaan nie en dat gebed doelloos is, dat godsdiens ‘n mite is."

Bogenoemde argument word gewoonlik aangebied in ‘n deurdagte, wel geredeneerde wyse met teksgedeelstes om dit meer geloofbaar te maak. Maar, dit is ‘n argument wat gebasseer is op ‘n verkeerde siening van God en is wanvoorstelling van Sy Woord. Die redenasie bevat ten minste 7 vals veronderstellings:

Veronderstelling 1: God het nog nooit ‘n geamputeerde genees nie.

Wie is ons om te sê dat God nog nooit in die geskiedenis van die wêreld ‘n ledemaat van ‘n geamputeerde persoon laat terug groei het nie? Dit is ‘n gevolgtrekking wat nie water dra nie. Ons het historiese rekord dat Jesus mense genees het, self melaatses wat sekerlik stukkies van hulle ledemate verloor het. In elke geval is die melaatse volkome genees. (Mark 1:40-42; Luk 17:12-14). En so is ook Malchus se oor wat weer gesond gemaak is nadat dit afgekap is. (Luk 22:50-51). Om nie eers te praat van die dooies wat Jesus opgewek het nie. (Mat 11:5; Joh 11). Al hierdie gevalle is onteenseglike bewys dat NIKS vir God onmoontlik is nie. As God dooies kan opwek kan Hy beslis geamputeerde mense genees.

Lees gerus hier verder.

Wat sê die Bybel oor aborsie?

2008-05-12T11:37:00.001+02:00

Die Bybel spreek nie spesifiek aborsie aan nie. Maar daar is verskeie lerings in die Skrif wat dit duidelik maak wat God se siening oor aborsie is. Jeremia 1:5 vertêl ons dat God ons ken nog voordat ons in ons moederskoot is. Psalm 139: 13-16 praat van God se aktiewe rol in ons skepping en formering in moederskoot. Eksodus 21: 22-25 beskryf die straf aan iemand wat veroorsaak dat ‘n vrou haar baba in moederskoot verloor. Die daad word gelykgestel aan moord. Dit dui duidelik aan dat God ‘n baba as ‘n volwaardige mens beskou in moederskoot. Vir ‘n christen is ‘n aborsie nie ‘n vrou se reg nie. Dit is ‘n kwessie van lewe en dood van ‘n wese van God geskep het.

Die eerste argument wat opkom teen die christen se beskouing oor aborsie is, “wat van kwessies soos verkragting en bloedskande?” Hoe afgryslik dit ook al mag klink, dit regverdig nie moord op ‘n baba nie. Die kind kan opgegee word vir aanneming aan liefdevolle ouers – of die kind kan grootgemaak word deur die moeder self. Die kind moet nie gestraf word vir die euwel dade van sy/haar vader nie.

Die tweede argument teen christene wat staan teen aborsie is, “wat as die moeder se lewe in gevaar is?” Dit is een van die moeilikste vrae met betrekking tot aborsie. Eerstens moet ons onthou dat hierdie vraagstuk slegs voorkom by een tiende van 1 persent van die aborsies wat wêreldwyd uitgevoer word. Tweedens moet ons onthou dat God wonderwerke verrig. Hy kan die moeder en baba se lewe spaar ongeag die mediese diagnose teen hulle. Eventueel kan die vraagstuk slegs besluit word tussen die man, vrou en God. Enige egpaar wat voor hierdie uiters moeilike situasie staan moet tot God bid vir wysheid wat Sy wil is. 94% van die aborsies wat uitgevoer word in die wêreld is vir ander redes buiten die risiko wat ‘n swangerskap vir die moeder inhou.

Die oorgrote meederheid aborsies kan gekwalifiseer word onder “’n vrou en/of haar maat het besluit hulle wil nie die baba hê wat hulle verwek het nie.” Dit is absoluut ‘n euwel. Self in die moeilike 6% van gevalle moet aborsie nooit eerste oorweeg word nie.

Vir diegene wat ‘n aborsie ondergaan het – die sonde van aborsie is nie minder onvergeefbaar as ander sonde nie. Deur geloof in God kan enige sonde vergewe word. ‘n Vrou wat ‘n aborsie gehad het, of a man wat dit aangemoedig het, of self die dokter wat die aborsie uitgevoer het – almal kan vergewe word in geloof deur Jesus Christus.

Bron: Got Questions Ministries

Pyn se oorsprong

2008-05-09T09:13:00.001+02:00

Pyn is die resultaat van die sondeval.

(Gen 3:16 Aan die vrou het Hy gesê: Ek sal grootliks vermeerder jou moeite en jou swangerskap; met smart sal jy kinders baar; en na jou man sal jou begeerte wees, en hy sal oor jou heers.)

Die bron van pyn is satan.

(2Co 12:7 En dat ek my oor die voortreflikheid van die openbaringe nie sou verhef nie, is my ‘n doring in die vlees gegee, ‘n engel van die Satan, om my met die vuis te slaan, dat ek my nie sou verhef nie.)

Die hele skepping kreun in pyn totdat die Here weer kom. Dit is dan wanneer dit weer herskep sal word in die volheid van God se oorspronklike skepping wat verwoes is vanwee die sonde.

(Rom 8:22 Want ons weet dat die hele skepping tesame sug en tesame in barensnood is tot nou toe.)

Die einde van pyn sal gevind word in die hemel.

(1Pe 5:10 En mag die God van alle genade self, wat ons geroep het tot sy ewige heerlikheid in Christus Jesus, nadat ons ‘n kort tyd gely het, julle volmaak, bevestig, versterk en grondves!)

Die geestelike voordeel van pyn en lyding.

A. Volwassenheid: (1Pe 5:10 En mag die God van alle genade self, wat ons geroep het tot sy ewige heerlikheid in Christus Jesus, nadat ons ‘n kort tyd gely het, julle volmaak, bevestig, versterk en grondves;)

B. Gehoorsaamheid: (Heb 5:8 Hy, al was Hy die Seun, het gehoorsaamheid geleer uit wat Hy gely het;)

C. Geduld: (Jas 5:10 Neem as voorbeeld van lyding, my broeders, en van geduld die profete wat in die Naam van die Here gespreek het.)

D. Medelye: (Heb 2:18 Want deurdat Hy self onder versoeking gely het, kan Hy dié help wat versoek word.)

E. Vertroue dat God ons lyding sien. (Psa 25:18 Resj. Aanskou my ellende en my moeite, en vergeef al my sondes.)

Onthou dat God ons nooit sal beproef bo ons vermoëe nie! Hou aan Hom vas vir vertroosting!

Los jou saak by God

2008-05-09T08:32:00.001+02:00

Rom 12:19 Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.

Wanneer ander mense iets verkeerd aan ons doen is dit baie moeilik om terug te staan. Dit voel natuurlik om terug te baklei wanneer iemand ons aanval. Maar die Bybel vertêl ons dat ons moet toelaat dat God hulle oordeel … en nie onsself nie.

Dit beteken nie dat jy nie jouself of jou eiendom mag verdedig nie. Maar om nie wraak toe soek nadat jy leed aangedoen is nie. Instede, laat God dit hanteer.

Mense wat probeer wraak neem veroorsaak gewoonlik meer ongeregtigheid. En baie keer ontstaan daar dan ‘n bose kringloop. Instede daarvan om wraak te neem, seën jou vyande soos in God se Woord staan.

Pro 25:21 As jou vyand honger het, gee hom brood om te eet; en as hy dors het, gee hom water om te drink.

God is bewus van elke ongeregtigheid wat teen jou gedoen word. En God belowe om dit reg te maak. God is ‘n regverdige regter en hy sal regverdig oordeel (miskien nie dadelik nie, maar ons moet vertrou dat God dit wel sal doen).

1Pe 2:21 Want hiertoe is julle geroep, omdat Christus ook vir julle gely het en julle ‘n voorbeeld nagelaat het, sodat julle sy voetstappe kan navolg;
1Pe 2:23 wat, toe Hy uitgeskel is, nie terug uitgeskel het nie; toe Hy gely het, nie gedreig het nie, maar dit oorgegee het aan Hom wat regverdig oordeel;

Sê AAN JOUSELF: Ek sal nie wraak soek nie maar in God vertrou om regverdig te oordeel.

Geloof

2008-05-05T11:59:00.004+02:00

Hebreërs 11: 1 Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie.Geloof is om oortuig te wees van dinge wat jy nie kan sien nie.

Geloof is om altyd jou vertroue in die Here Jesus te plaas. Geloof is ‘n lewenswyse. Geloof moet aksie hê. Geloof is om te waag vir die Here en dan te glo dat God sal voorsien.

Hierdie geloof het Dawid in staat gestel om Goliat te verslaan. Want Dawid het voor Goliat gaan staan in die naam van God. Dawid het in God geglo.

Ons weet dat God bestaan. Ons het geloof. Omdat Hy die grote God is kan ons waag. Geloof moet gegrond wees op die bestaansreg van God.

Glo dat God bestaan! Glo dat God is en dat Hy ‘n beloner is vir die wat Hom soek. Glo dat God getrou is. Ons moet op grond van Sy beloftes alles op die altaar sit. God is ‘n beloner vir die wat Hom soek. Vertrou en glo in God!

Rom 14:11 Want daar is geskrywe: So waaragtig as Ek leef, sê die Here, voor My sal elke knie buig, en elke tong sal God bely.

Die Here is my toevlug

2008-05-05T11:59:00.003+02:00

Psalm 91
Hy wat in die skuilplek van die Allerhoogste sit, sal vernag in die skaduwee van die Almagtige. Ek sal tot die HERE sê: My toevlug en my bergvesting, my God op wie ek vertrou. Want Hy is dit wat jou sal red uit die net van die voëlvanger, van die verderflike pes. Hy sal jou dek met sy vlerke, en onder sy vleuels sal jy skuil; sy trou is ‘n skild en pantser. Jy hoef nie te vrees vir die skrik van die nag, vir die pyl wat bedags vlieg nie, vir die pes wat in die donker wandel, vir die siekte wat op die middag verwoes nie! Al val daar duisend aan jou sy en tien duisend aan jou regterhand—na jou sal dit nie aankom nie. Net met jou oë sal jy dit aanskou en die vergelding van die goddelose sien. Want U, HERE, is my toevlug. Die Allerhoogste het jy jou beskutting gemaak. Geen onheil sal jou tref en geen plaag naby jou tent kom nie; want Hy sal sy engele aangaande jou bevel gee om jou te bewaar op al jou weë. Hulle sal jou op die hande dra, sodat jy jou voet teen geen klip stamp nie. Op die leeu en die adder sal jy trap, die jong leeu en die slang vertrap. Omdat hy My liefhet, sê God, daarom sal Ek hom red; Ek sal hom beskerm, omdat hy my Naam ken. Hy sal My aanroep, en Ek sal hom verhoor; in die nood sal Ek by hom wees; Ek sal hom uitred en eer aan hom gee. Met lengte van dae sal Ek hom versadig, en Ek sal hom my heil laat sien.

Die Bybel

2008-05-05T11:59:00.000+02:00

Hier is 'n mooi beskrywing oor die Bybel. Ek deel dit graag met julle.

Hierdie Boek bevat: Die gedagtes van God, die toestand van die mens, die weg tot Saligheid, die verdoemenis van sondaars en die geluk van Gelowiges.

Die leerstellings daarvan is heilig, die voorskrifte daarvan is bindend, die geskiedenis daarvan is waar en die besluite daarvan is onveranderlik. Lees dit om wys te wees, glo dit om veilig te wees, en leef dit uit om heilig te wees.

Dit bevat lig om vir jou die pad te wys, voedsel om jou te ondersteun, en troos om jou op te beur. Dit is die reisiger se kaart, die pelgrim se staf, die loods se kompas, die soldaat se swaard, en die Christen se grondwet.

deur William J Patton

Die Bybel

2008-04-25T09:32:00.000+02:00

Die woord Bybel kom van die Latynse en Griekse woord wat “boek” beteken. Die Bybel is ‘n boek soos geen ander nie, in ‘n klas van sy eie. Die Bybel bestaan uit 66 verskillende boeke.

Die Bybel het ongeveer 40 verskillende skrywers en is oor ‘n periode van omtreng 1,500 jaar geskryf. Die skrywers was konings, vissermanne, priesters, staatsampenare, boere, herders en dokters. Vanuit hierdie uiteenlopende verskille het ‘n eenheid ontstaan wat deur die hele Bybel geweef is. Hierdie eenheid is bewys van een Skrywer: God Homself. Die Bybel is ingegee deur God.

2Ti 3:16 Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid,

Die menslike skrywers het presies geskryf wat God gehad het hulle moet skryf en die resultaat was die Heilige Woord van God.

Psa 12:6 (12:7) Die woorde van die HERE is rein woorde, silwer wat gelouter is in ‘n smeltkroes in die aarde, gesuiwer sewe maal.

2Pe 1:20 terwyl julle veral dít moet weet, dat geen profesie van die Skrif ‘n saak van eie uitlegging is nie;

Hoekom moet ons bid

2008-04-24T09:38:00.001+02:00

Hoekom moet ons bid wanneer God in beheer is van alles? Hoekom bid wanneer God weet wat ons gaan vra nog voordat ons dit uiter?

1. Gebed is ‘n manier om God te dien. (Lukas 2:36-38) Ons bid omdat God ons daartoe beveel het. (Philippians 4:6-7).

2. As Jesus dit die moeite werd geag het om te bid moet ons dieselfde doen.

3. God het bedoel dat gebed vir ons ‘n oplossing sal wees in situasies:

a) Voorbereiding van groot besluite.

Luk 6:12 En Hy het in daardie dae uitgegaan na die berg om te bid en die nag in die gebed tot God deurgebring. 13 En toe dit dag geword het, het Hy sy dissipels na Hom geroep en twaalf van hulle uitgekies, wat Hy apostels genoem het:

b) Om demoniese werking te oorkom in ons lewens. (Matthew 17:14-21)
c) Om krag te kry voor versoekings.

Mat 26:41 Waak en bid, dat julle nie in versoeking kom nie. Die gees is wel gewillig, maar die vlees is swak.

d) Om ons geestelik op te bou.

Eph 6:18 terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die heiliges 19 en vir my, sodat ‘n woord my gegee mag word as ek my mond oopmaak om met vrymoedigheid die verborgenheid van die evangelie bekend te maak,

4. Ons het God se belofte dat ons gebede nie verniet is nie, al ontvang ons ook nie altyd waarna ons vra nie. (Romans 8:26-27).

Mat 6:6 Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde.

5. God het belowe dat as ons iets vra na Sy wil Hy dit vir ons sal gee.

1Jn 5:14 En dit is die vrymoedigheid wat ons teenoor Hom het, dat Hy ons verhoor as ons iets vra volgens sy wil. 15 En as ons weet dat Hy ons verhoor, dan weet ons dat, wat ons ook al vra, ons die bedes verkry wat ons van Hom gevra het.

Somtyds antwoord Hy ons gebede nie dadelik nie, maar dit is altyd na Sy wysheid en tot ons voordeel. In hierdie situasies moet ons volhard in gebed (Matthew 7:7; Luke 18:1-8). Gebed moet nie vir ons ‘n manier wees om God te vra om ons wil te doen nie, maar eerder ‘n manier om God te vra om Sy wil op aarde te doen.